utamu

Wakati Wapinzani Wakipinga Uteuzi wa Waziri Sospeter Muhongo, Mwenyewe Aibuka na Kusema Haya Makubwa Soma Hapa

WAKATI wapinzani wakipinga uteuzi wa Waziri wa Nishati na Madini, Profesa Sospeter Muhongo, waziri huyo amewasihi wananchi kumvumilia kidogo, ili baada ya muda mfupi atoe mpango wa maendeleo ya wizara hiyo, ambao pamoja na mambo mengine, utaelezea bei ya nishati hiyo itakavyoshuka. 

 

Akizungumza na waandishi wa habari muda mfupi baada ya kuapishwa kushika wadhifa huo jana Ikulu jijini Dar es Salaam, Profesa Muhongo alisema mbali na mkakati wa kushusha bei ya umeme, kasi ya kusambaza umeme vijijini kupitia miradi ya Wakala wa Nishati Vijijini (REA), itarejea palepale.

“Nimepokea uteuzi huo, kinachofuata ni kuwatumikia wananchi, niwaombe tu wanivumilie kidogo nitawapa mpango wangu wa maendeleo wa muda mfupi na mrefu, lakini nisisitize tu nishati sio siasa, ni suala la utaalamu, liachwe lifanywe kitaalamu,” alisema Profesa Muhongo.

Akizungumzia bei ya umeme na upatikanaji wake, Profesa Muhongo alisema kupunguza bei hiyo ni ajenda muhimu itakayozingatiwa na kusema ili umeme uwe wa uhakika, ni lazima kuwe na mipango ya kuwa na nishati hiyo ya uhakika ifikapo mwaka 2025.

“Umeme wa uhakika utapatikana na matarajio yetu ni Tanzania kuwa nchi ya uchumi wa kati ifikapo mwaka 2025 ambapo tunatarajia uzalishaji wa nishati hiyo ufike Megawati 10,000 hadi 15,000,”alisema Profesa Muhongo.

endelea kusoma zaidi >>>>>>>hapa<<<<

endelea kusoma zaidi >>>>>>>hapa<<<<

endelea kusoma zaidi >>>>>>>hapa<<<<

Je..Fedha Zilizopigwa Stanbic Bank Ziligharimia Kampeni UKAWA? Jibu Liko Hapa=>

Kinara Bashir Awale

UCHUNGUZI unaoendelea wa serikali kuhusu ufisadi wa takribani shilingi bilioni 13 katika mkopo uliochukuliwa kupitia Benki ya Stanbic unaonyesha kuwagusa watu ambao walikuwa mstari wa mbele kwenye kampeni za vyama vilivyo kwenye Umoja wa Katiba ya Wananchi (Ukawa), imefahamika.

Ingawa kiwango halisi cha mkopo ambao serikali ilichukua kupitia benki hiyo ni dola milioni 600 (shilingi trilioni 1.3), ufisadi unaonekana katika kiwango cha dola milioni sita (shilingi bilioni 13) ambazo sasa imethibitika zilitumika kuwahonga viongozi wa serikali ili wauruhusu.

Kinara Bashir Awale
Huyu ndiye aliyekuwa Mkurugenzi Mtendaji wa Benki ya Stanbic wakati wa kutafuta na hatimaye kupatikana kwa fedha hizo. Kwa mujibu wa taarifa za kimahakama kutoka Uingereza, huyu ndiye alikuwa mtengenezaji wa mpango wote wa kupatikana kwa rushwa hiyo.

Mara baada ya kuondoka kutoka Stanbic mwaka 2013, kutokana na kukataa kutoa ushirikiano wakati wa uchunguzi wa sakata hilo, mara nyingi Awale alionekana akiwa na aliyekuwa mgombea urais wa Ukawa, Edward Lowassa.

Ndani ya kambi ya Lowassa haikuwa siri kwamba endapo angeshinda urais, Awale angeweza kupewa nafasi ya Gavana wa Benki Kuu ya Tanzania (BoT). Yeye ni mmoja wa watu waliokuwa wakitajwa kama wasaka fedha wakuu wa Ukawa na Lowassa. Akiwa na uzoefu wa muda mrefu katika eneo la benki na fedha, Awale alikuwa miongoni mwa wana Ukawa walioweza kujigamba kwamba wako karibu na Lowassa.

Kwa sasa, Awale amefukuzwa nchini kwa madai ya kutokuwa raia wa Tanzania lakini ukaribu wake na Lowassa unaonekana katika baadhi ya picha zilizosambazwa kwenye mitandao ya kijamii zikimuonyesha akiwa katika mojawapo ya mikutano ya kisiasa ya Chadema, akiwa amekaa karibu na mtoto mkubwa wa Lowassa, Fred.

Uchunguzi wa vyombo vya usalama vya Uingereza unaonyesha kwamba wakati wa fedha hizo kulipwa kutoka Stanbic kwenda kwa kampuni ya EGMA, fedha zilikuwa zikitolewa kwenye akaunti na kwenda kwanza kugawiwa kwenye ofisi yake kabla ya kutoka nje ya benki hiyo jijini Dar es Salaam.

Kinara Shose Sinare
Taarifa za kikachero kutoka Taasisi ya Uchunguzi wa Makosa ya Kijinai ya Uingereza (SFO), zinamtaja mfanyakazi huyu wa zamani wa Stanbic kama SS, na aliwahi kuwa Miss Tanzania mwaka 1996.

Katika ufisadi huu, Shose anatajwa kama msaidizi wa karibu wa Awale na mtu ambaye ukiondoa bosi wake huyo, alifanya kazi kubwa kuhakikisha mpango huo unafanikiwa. Hakuna ushahidi wa moja kwa moja wa kumhusisha Shose na Ukawa zaidi ya hatua ya mama yake, Dk. Eve Sinare, aliyekuwa mwanachama wa muda mrefu wa Chama Cha Mapinduzi (CCM), kutangaza kuhama chama hicho katika siku za mwisho za kampeni za Uchaguzi Mkuu.

Wakati Dk. Sinare akitangaza kuhama CCM, watu wengi walishangazwa na uamuzi wake huo kwa vile yeye si mmoja wa wanachama maarufu wa chama hicho na hatua yake hiyo haikuonekana kumsaidia yeyote. Mara baada ya kuibuka kwa kashfa hii ya Stanbic, maswali yameanza kuibuka kuhusu mwenendo wao katika wakati huo wa kuelekea Uchaguzi Mkuu. Inadaiwa kuwa kwa kawaida Dk. Sinare na Shose ni watu walio karibu sana.

Harry Kitilya
Huyu alipata kuwa Kamishna Mkuu wa Mamlaka ya Mapato Tanzania (TRA). Ushiriki wake katika kashfa hii umewashangaza wengi kwani kwenye jamii alijenga picha ya kiongozi msafi. Kitilya alikuwa mmoja wa wamiliki wa kampuni ya EGMA ambayo ndiyo ilipewa kiasi hicho cha shilingi bilioni 13 kwa ajili ya ?kulainisha viongozi wa serikali? kukubali kuchukua mkopo huo kutoka Stanbic.

Wakati wa kampeni za Uchaguzi Mkuu wa mwaka huu, jina la Kitilya lilikuwa likitajwa kama mmoja wa watu waliokuwa wakichangisha fedha za kusaidia Lowassa ashinde uchaguzi.

Tofauti na watu kama Awale waliokuwa wakimuunga mkono Lowassa hadharani, Kitilya hakuwahi kutamka hadharani kumuunga mkono mwanasiasa huyo wala kuonekana kwenye mikutano ya Chama cha Demokrasia na Maendeleo (Chadema). Kitilya, kwa nafasi aliyokuwa nayo TRA, ni mmoja wa watu waliokuwa wakiombwa ushauri na serikali iwapo ichukue mkopo au isichukue. Kwa maana hiyo, Kitilya alilipwa fedha hizo ili pia naye ?alainike? na ?kuishauri? serikali ichukue mkopo huo hata kama masharti yake hayakuwa muafaka.

Kwa mfano, wakati riba ya kawaida ya mikopo ilikuwa ni asilimia 1.4, mkopo huo ulichukuliwa kwa riba ya asilimia 2.4. Ongezeko hilo la asilimia moja ndilo lililoleta kiwango hicho cha shilingi bilioni 13. Ili kuhakikisha EGMA inapata fedha nyingi kupitia asilimia hiyo moja, badala ya serikali kukopa dola milioni 550 ilizotaka kukopa awali, ikakopa dola milioni 600. Kama ingekopa dola milioni 550, EGMA ingepata dola milioni 5.5 tu.

Kwa mujibu wa uchunguzi wa SFO, ingawa Kitilya ndiye alikuwa Mwenyekiti wa Bodi ya EGMA, hakuwahi kwenda kuchukua fedha hizo Stanbic na badala yake kazi hiyo ilifanywa na wabia wenzake, Dk. Fratern Mboya na Peter Nyabuti.

Peter Nyabuti
Uchunguzi wa SFO unamtaja Nyabuti kama raia wa Kenya na hakuna taarifa nyingi zinazomhusu. Hata hivyo, katika kipindi cha kuelekea Uchaguzi Mkuu wa Tanzania, Nyabuti alikuwa mmoja wa wateja maarufu katika baa ya Kruz In iliyopo Mikocheni jijini Dar es Salaam.

Kwa kipindi kirefu, baa hiyo imefahamika kama kambi rasmi ya ?Marafiki wa Lowassa? ambapo ni kawaida kwa watu waliokuwa kwenye kambi yake; tangu akiwa CCM, kujumuika na kubadilishana mawazo katika eneo hilo. Kwa sababu hiyo, Nyabuti aliyekuwa akichanganyika na watu kama Awale na Fred Lowassa, alikuwa akifahamika kama mmoja wa wapanga mipango na mikakati wa Ukawa.

Ingawa Chadema na vyama vilivyo kwenye Ukawa vimekuwa vikifahamika kwa kupinga ufisadi, hadi sasa hakuna kiongozi yeyote wa kambi hiyo aliyetoa kauli ya karipio dhidi ya ufisadi huo wa Stanbic.

Kwa sasa serikali inafanya uchunguzi kuhusu suala hilo na tayari imeahidiwa kwamba itarejeshewa shilingi hizo bilioni 13 zilizotolewa kama hongo.

Kwa hisani ya RaiaMwema

Ushindi wa Ubunge wa Godbless Lema Jimbo la Arusha Mjini Waingia Doa.....Hili Ndio Jipya La Ibuka Soma Hapa

Aliyekuwa mgombea ubunge wa jimbo la Arusha Mjini kwa tiketi ya CCM, Philemon Mollel amepinga matokeo ya uchaguzi huo yaliyompa ushindi wa kishindo, Godbless Lema wa Chadema.

Akiongea na waandishi wa habari baada ya msimamizi wa uchaguzi huo kutangaza matokeo, Mollel alidai kuwa kulikuwa na udanganyifu mkubwa ambao unafanya matokeo hayo kutokuwa halali.

Alisema kuwa wakati zoezi la kupiga kura likiendelea kuna gari lililokamatwa likiwa na kura bandia za kumpa ushindi Lema ingawa alidai gari hilo liliachiwa baadae.

“Kulikuwa na Noah ya diwani wa Chadema ambayo ilipita katika baadhi ya vituo vya kupigia kura na kudai kupeleka vyakula. Lakini gari hiyo tumeambiwa ilikuwa na kura za bandia zilizofanikiwa kuingizwa kwenye masanduku,”alisema Mollel.

Kadhalika, alieleza kuwa kulikuwa na mapungufu makubwa kwenye fomu za matokeo kwa kuwa baadhi ya fomu hazikuonesha idadi ya kura zilizopigwa.

Mollel alilirushia lawama jeshi la polisi kwa madai kuwa liliwatisha akina mama na wazee kwenda kupiga kura.

“Hakukuwa na vurugu zozote, kwanini kuwatishia wanachi kwa silaha na vifaa vya kivita,” alihoji Mollel.

Matokeo yaliyotangazwa na msimamizi wa uchaguzi huo uliofanyika Jumapili, Disemba 13 yalimpa ushindi Godlbess Lema kwa kupata kura 68,848 sawa na asilimia 65.9 huku Philemon Mollel akipata kura 35,607 sawa na asilimia 34 ya kura zote halali zilizopigwa na kuhesabiwa.

Yafaamika Hawa Ndio Wabunge Wa nne Waliokataa Uwaziri wa Magufuli Wakihofia Kushindwa Kuendana na Kasi Yake

WABUNGE wanne wa Chama Cha Mapinduzi (CCM), wametajwa kukataa uteuzi wa nafasi ya uwaziri ili kujaza nafasi za wizara nne zilizokuwa wazi.

Hatua hiyo imetokana na kile kilichoelezwa kuwa ni hofu ya wabunge hao kushindwa kwenda na kasi ya Rais Dk. John Magufuli, ambaye aliwaapisha mawaziri wapya Desemba 12, mwaka huu.

Kwa mujibu wa gazeti la Mtanzania, wabunge wamedai kuwa kasi ya Rais Magufuli inawatia hofu.

“Kasi ya Rais Dk. John Magufuli ni nzito na kwangu ni ngumu na nilifikiri niko mimi peke yangu kumbe baada ya taarifa hizi nasikia na wenzangu wawili nao walikataa uteuzi.

“Niliarifiwa juu ya uteuzi lakini baada ya kupima nikaona hapana siwezi kazi ya uwaziri, bora ni baki na ubunge wangu,” alisema mbunge huyo ambaye hakutaka jina lake litajwe.

Wizara 4 zilizokosa Mawaziri
Wakati akitangaza Baraza la Mawaziri, Desemba 10, mwaka huu, Rais Magufuli alisema kuna baadhi ya wizara hazina mawaziri kutokana na sababu mbalimbali ikiwamo unyeti wa wizara hizo na kwamba anaendelea kuwatafuta.

Kutokana na hali hiyo Rais Magufuli aliteua manaibu waziri wa wizara hizo, huku akitoa ahadi kuwa atawatangaza mawaziri wake baadaye atakapomaliza mchakato.

Wizara hizo ni pamoja na Ujenzi, Uchukuzi na Miundombinu ambayo naibu wake ni Mhandisi Edwin Ngonyani na Wizara ya Fedha na Mipango, ambayo naibu wake ni Dk. Ashatu Kijaji.

Wizara nyingine ni Maliasili na Utalii, ambayo naibu wake ni Mhandisi Ramo Makani, Wizara ya Elimu, Sayansi, Teknolojia na Ufundi ambayo naibu wake ni Mbunge wa Jimbo la Nyasa mkoani Ruvuma, Stella Manyanya.

Kinana atoboa siri
Mwishoni mwa wiki akiwa mkoani Arusha, Katibu Mkuu wa Chama Cha Mapinduzi (CCM), Abdulrahman Kinana, alitoa siri ya wabunge wanne ambao walipigiwa simu za uteuzi wa uwaziri, lakini walikataa kwa hofu ya kushindwa kwenda na kasi ya Rais Magufuli.

Alisema anachoamini ni kwamba Rais John Magufuli, atakuwa aliwaeleza baadhi ya wabunge kuhusu nia yake ya kuwateua katika nafasi hizo, lakini wao wakamwomba asiwape majukumu hayo kwa kuwa hawana uhakika wa kwenda na kasi anayohitaji katika Serikali yake.

Kinana alisema kinachojitokeza sasa ni kama alivyoshauri Rais Magufuli kuwa si vema kwa waziri aliyeteuliwa kufanya sherehe nyumbani kwake na kuita marafiki kwa kuwa wana mzigo mzito katika kuwatumikia wananchi.

“Ni vema mawaziri hawa wakafanya maombi kwa kuwaita au kuwafuata viongozi wa dini kwani wana kazi ngumu kulingana na nia njema aliyonayo Rais Magufuli katika kupambana na masuala ya ufisadi.

“… kazi ya kupambana na ufisadi kamwe si rahisi hadi kushangilia uteuzi, lengo kubwa ni kuwaletea wananchi maendeleo kupitia ubinafsishaji wa viwanda kutoka kwa watu waliomilikishwa na kuviua,” alisema Kinana.

Katibu mkuu huyo wa CCM, alisema anaunga mkono uamuzi wa Rais Magufuli wa kufuta maadhimisho ya Siku ya Ukimwi dunaini, hali ya kuwa wagonjwa hawana dawa.

“Nyingine ni Wiki ya Maji, mnafanya maadhimisho huku watu hawana maji, Wiki ya Maziwa wakati wafugaji wamekonda na mifugo imekonda haitoi maziwa, fedha hizo zitumike kwa mambo mengine,” alisema Kinana.

Saed Kubenea Apandishwa Mahakama Ya Kisutu na Kusomewa Shitaka La Kutoa Lugha Chafu Dhidi Ya Makonda

Mbunge wa jimbo Ubungo kupitia Chadema, Saed Kubenea amepandishwa kizimbani kortini Kisutu, jijini Dar es Salaam leo na kusomewa shtaka la kutoa lugha chafu dhidi ya Mkuu wa wilaya ya Kinondoni, Paul Makonda.

Hata hivyo, Kubenea amekana kufanya kitendo hicho na kesi yake kuahirishwa hadi Desema 29, mwaka huu huku uchunguzi ukiendelea.

Tamko la CHADEMA Kulaani Mbunge wao Saed Kubenea Kukamatwa Kwa Amri Ya Mkuu wa Wilaya

TAARIFA KWA VYOMBO VYA HABARI

Kama ambavyo imeripotiwa kwenye vyombo vya habari na njia zingine za upashanaji habari tangu jana kuwa Mbunge wa Jimbo la Ubungo kwa tiketi ya CHADEMA, Ndugu Saed Kubenea aliwekwa chini ya ulinzi na kuamriwa kwenda kituo cha polisi kwa amri ya Mkuu wa Wilaya ya Kinondoni, Paul Makonda ambaye inadaiwa hakutaka mbunge huyo azungumze na wananchi ambao ni Wafanyakazi wa Kiwanda cha Tanzania Took Garment, waliokuwa wamemuita mbunge huyo kwa ajili ya kumweleza matatizo wanayokumbana nayo kazini hapo, ikiwa ni pamoja na ujira kidogo na mazingira magumu ya kazi.

Aidha akitambua kuwa alichofanya matumizi mabaya ya dhamana ya uongozi, hivyo akakusudia kuficha umma usijue uovu huo, katika tukio hilo Makonda aliwaagiza polisi wakamate kamera za waandishi wa habari waliokuwa katika eneo hilo wakitimiza wajibu wao wa kikazi na kitaaluma kwa jamii.

Katika hatua ya sasa, tunaomba kusema ifuatavyo;

1. Tukitambua kuwa mamlaka ya DC kuamuru watu kukamatwa yamefafanuliwa kisheria na kuwekewa mipaka yake ambayo Makonda amedhihirisha kuivuka katika nyakati tofauti sasa, Mkuu huyo wa wilaya hana mamlaka ya kisheria wala ya kisiasa kuhalalisha amri aliyoitoa ya kumkamata mbunge, tena aliyekuwa anatekeleza wajibu wake, tunamtaka DC Makonda amwachie Ndugu Kubenea mara moja huku tukitoa wito kwa mamlaka zilizomteua kumwangalia kwa makini kama bado anazo sifa za kuwa kiongozi wa ngazi hiyo.

2. Kwa kuwa amri hiyo si halali kwa sababu haina msingi wowote wa kisheria, tunatoa wito kwa Jeshi la Polisi kumuachia Ndugu Kubenea ili aendelee na uhuru wake huku akitekeleza wajibu wake wa kuwawakilisha wananchi wa Ubungo badala ya kumsumbua kwa mambo yasiyokuwa ya msingi.

3. Halikadhalika, Jeshi hilo liwarudishie waandishi wa habari vifaa vyao vya kazi vikiwa katika hali salama na bila athari yoyote ama ya vifaa vyenyewe au materials yaliyoko ndani yake.

4. Tunalitaka Jeshi la Polisi kutoa kauli ya kuwahakikishia usalama waandishi wa habari na vifaa vyao kila wanapotimiza wajibu wao kwenye matukio yanayomhusisha Makonda kwa sababu tayari ushahidi unaonesha anaweza kuwa tishio kwao binafsi na vitendea kazi vyao hususan pia wanapokuwepo polisi.

5. Kwa kitendo cha DC Makonda kuamuru kiongozi wa wananchi akamatwe bila kuwepo kosa lolote la kisheria, CHADEMA tutachukua hatua za kisheria dhidi ya DC huyo ili liwe fundisho kwake mwenyewe, wakuu wa wilaya wengine na utawala mzima wa Serikali ya CCM chini ya Rais John Magufuli, ili watambue kuwa suala la kuongoza nchi kwa kuzingatia Haki, Katiba, Sheria na taratibu si suala la kupenda bali ni lazima kuzingatiwa kwa ajili ya amani na utulivu wa kweli.

Tutachukua hatua hizo huku tayari kukiwa na kumbukumbu za Tume ya Haki za Binadamu na Utawala Bora (THBU) ambayo hivi karibuni ilimuonya DC Makonda na wakuu wa wilaya wengine na wakuu wa mikoa ambao wameanza tabia ya kuendesha nchi kwa amri ambazo hazina uhalali wowote zikiwa nje ya mamlaka yao ya kisheria kufanya hivyo.

Tuliamini angalizo hilo la THUB ambacho ni chombo huru cha serikali, lingeweza kuwa mwongozo sahihi kwa viongozi wa serikali na kwamba kosa la awali la Makonda kuwaweka mahabusu watumishi wa Wilaya ya Kinondoni walioko chini yake lingechukuliwa kama fundisho kwake, lakini bahati mbaya watawala wanaweka nta masikioni linapofika suala la haki za binadamu na uongozi bora.

Imetolewa leo Jumanne, Nov. 15, 2015 na;

Tumaini Makene

Mkuu wa Idara ya Habari na Mawasiliano
CHADEMA

CUF wapinga Uteuzi wa Prof. Muhongo...Watoa Hizi sababu Soma Hapa

JUMUIYA ya Vijana wa Chama cha Wananchi (CUF) imesema wanasikitishwa na uteuzi wa baraza la mawaziri lililotajwa juzi na Rais John Magufuli na kudai  kuwa, katika baraza hilo wamerudishwa wale mawaziri waliokumbwa na kashfa za ufisadi na ubadhirifu wa mali za umma.

  

Pia imesema katika baraza hilo hakuna uteuzi  ambao umewiana hasa katika suala la usawa wa kijinsia na wala haukuzingataia Muungano uliokuwepo.

Akizungumza na waandishi wa habari leo Jijini  Dar es Salaam,  Mwenyekiti wa Jumuia hiyo Hamidu Bobali  amesema  wanashangaa kuwaona  aliyekuwa Waziri wa Nishati na Madini Sospeter Muhongo na aliyekuwa Waziri wa Uchukuzi Harson Mwakyembe kuwepo tena.

Amesema,  Waziri Muhongo alikuwa anatuhumiwa na suala la Escrow na akajiuzulu halafu Magufuli amemrudisha tena kitu ambacho kinawakosesha amani.

“Inatusikitisha sana kitendo cha Rais wetu kumteua tena Waziri Muhongo kurudi tena wizarani hapo wakati alikuwa na kashfa kubwa ya escrow lakini amerudishwa tena inaonyesha Magufuli pia pamoja na kusifiwa juu ya utendaji wake hayuko makini,”amesema Bobali.

“Pamoja na Muhongo pia Waziri Mwakyembe alikuwa katika wizara ambayo sasa hivi  inakubwa na matatizo makubwa ya kupitisha makontena na wakati  alikuwa waziri   katika wizara hiyo, hilo lilitosha kwa Magufuli kufanya upembuzi wa Mawaziri. Hao wote hawakufaa tena kuridi kuwa mawaziri,” amesema.

Ameongeza kuwa,  wanasikitishwa sana kwani ile kasi ambayo  Magufuli alianza nayo wanaiona inakufa siku si nyingi kwa kuwarudia tena mawaziri hao mizigo.

“Wananchi tunasikitika sana kwa kuwa tulimuamini  Rais Magufuli lakini imani hiyo inakaribia kukatika kutokana na kurudishwa kwa mawaziri hawa na kusababisha kasi kupungua,”ameeleza

Aidha aliyekuwa Waziri wa Nishati na Madini Sospeter Muhongo hakuwahi kupatikana na hiyo ya Escrow kwani alijiuzulu mwenyewe. Kwa kuhofia kupatikana na hatia.

Kwa upande mwingine Mwenyekiti huyo alizungumzia mgogoro uliokuwepo Zanzibar na kusema kuwa Baraza la vijana wa chama hicho kwa kushirikiana na vyama vinavyunda Umoja wa Katiba Wananchi (Ukawa) wameandaa mkutano juu ya kuzungumzia mgogoro huo.

“Tunafurahishwa na mazungumzo yanayoendelea kati ya viongozi kwetu wa huko Zanzibar lakini baraza letu limeandaa mkutano huo ili kuzungumzia suala hili,”amesema Bobali

Hata hivyo Bobali amesema wanamuomba Rais Magufuli kuliingilia kati suala la Zanzibar kwani kutokufikia kikomo kunasababisha mambo mengi kurudi nyuma ikiwa moja na uchumi kushuka.

“Jumuiya ya vijana inawatahadharisha wanachama wa Chama cha Mapinduzi (CCM) kuacha mara moja kauli chafi na  vitendo vya kichochezi vinavyofanywa na wanachama hao kwani vinaweza kuamsha hasira za vijana wa CUF Zanzibar,” amesema Bobali.

Kauli Ya Kwanza Ya Mwakyembe Kuhusu Katiba Mpya Baada Ya Kuteuliwa Kuwa Waziri Wa Katiba soma Hapa

Waziri wa Katiba na Sheria, Dk. Harrison Mwakyembe ambaye ameapishwa leo na rais John Magufuli kushika wadhifa huo amewaomba wadau na wananchi kwa ujumla kumpa muda.

Akiongea na waandishi wa habari muda mfupi baada ya kuapishwa, Dkt. Mwakyembe ambaye alikuwa waziri wa wizara mbalimbali katika serikali ya awamu ya nne amesema kuwa anafahamu changamoto nyingi katika mfumo wa sheria ya nchi akiwa kama mwananchi. Hivyo, ameomba kupewa muda ili atakapoingia ofisini azifanyie kazi changamoto hizo.

Dk. Mwakyembe ambaye kitaaluma ni mwanasheria aliyebobea, alieleza kuwa mfumo bora wa sheria ya nchi ni kitu muhimu katika kipindi hiki ambacho serikali imeamua kufanya mabadiliko makubwa ya kimfumo.

“Tuko katika kipindi cha mageuzi makubwa ya uchumi wetu na masuala ya kijamii na kiuchumi, kwahiyo masuala ya kisheria yatajitokeza sana hapo. Ndio maana nasema… sawa ni eneo langu kisheria lakini changamoto ziko nyingi ambazo lazima tukabiliane nazo ili nchi yetu iende kwa kasi ambayo rais wetu ameanza nayo,”alisema.

Akizungumzia mchakato wa Katiba Mpya uliokuwa ukiendelea katika serikali ya awamu ya nne, Dk. Mwakyembe amesema suala hilo litakamilishwa kutoka pale lilipoishia.

“Mheshiwa rais ameshalielezea vizuri sana hilo kwamba katika kipindi chake tutalifanyia kazi, na hatukuishia pabaya tuliishia pazuri tu, tutalitekeleza, muda utafika na naamini tutalikamilisha vizuri tu,”aliongeza.